12 верасня 1893 года ў Будславе нарадзілася Паўліна Мядзёлка – адна з найбольш цікавых і загадкавых асоб у беларускім культурным пантэоне. Муза Купалы і звычайная зямная жанчына, якая пасля блукання па чужыне апошнюю траціну жыцця пражыла ў родным Будславе. У дакументальным нарысе раскрываецца яе лёс, натхнёнае і пакутлівае каханне да Купалы, яе здабыткі ў прыгожым пісьменстве і ў працы з будслаўскімі самадзейнымі артыстамі. На малой радзіме яе дагэтуль любяць і памятаюць. Творчая традыцыя Мядзёлкі ў Будславе жыве, як і легенда пра яе каханне з Купалам.

Юлія АНДРЭЕВА

На все статьи номера