Другі раз дату 22 чэрвеня Беларусь адзначыла як Дзень усенароднай памяці ахвяр Вялікай Айчыннай вайны і генацыду беларускага народа. У агульнанацыянальнай хвіліне маўчання людзі схілілі галовы перад памяццю герояў і ахвяр вайны. Знаходзяцца ўсё новыя і новыя пацвярджэнні гітлераўскіх злачынстваў на роднай зямлі. Яны шакуюць нават праз дзясяткі гадоў, бо невыносныя ў сваёй бесчалавечнасці і нянавісці да роду людскога. Аўтар перакананы, што гэта трэба абавязкова ведаць, разумець і памятаць усім пакаленням, якім суджана нарадзіцца і жыць тут, на Беларусі. І надышоў час па-сапраўднаму далучыцца да гэтай справы дзяржаўнай важнасці – захавання гістарычнай праўды – бацькам, настаўнікам, кіраўнікам прадпрыемстваў і г. д. Словам, усім, хто так ці інакш уплывае на светапогляд юнага пакалення, чыім словам давяраюць маладыя людзі.

Ігар ГАНЧАРУК

На все статьи номера